Is dit ‘n onmoontlike situasie?

Jy is jonk en Italiaans.  Droom groot drome van filmsterre in Rome en laatmiddagdrankies by kafees in stegies met strate van klipsteentjies.  Dan loop jy ‘n ster raak.  Is oorweldig.  Glip weg saam met hom na sy hotelkamer.  Hy vertel jou van al sy vorige films.  Jy hang aan sy lippe en aan hom.  Dan klop sy eks-vrou en die hotelsekuriteitsbeampte aan die deur terwyl jy in die badkamer is. En ‘n inbreker wat graag hotelkamers beroof klim agter die stortgordyn uit.  Julle drie staan eweskielik in die slaapkamer, en moet saamwerk om te oorleef.

Is dit ‘n onmoontlike situasie?

Woody Allen dink nie so nie.

Die einde van nou

So 21 Desember is die einde van die wêreld, en ek het nog so baie om te doen.  ‘n Graad klaarmaak. Met al my vriende ‘n laaste keer kuier. Branders ry. My kar laat diens. Uitvind of Makro voorraad sal aflewer vir die tyd wat voorlê.

Soveel stres om te hanteer.

En dan is daar al die emails om te skryf. Hordes van hulle.

Dankie-emails.
Totsienses.
Gaan-jou-misses.

Wie soek my wyn versameling?

(Not)

Ossillasie

Die son sak laag agter Robben eiland. 30 lywe dryf geruisloos op die water. Lang planke, kort planke, skuimrubber-borde, vinne. Intense afwagting. Dan kom ‘n groot een… Twee lywe word meegesleur, twee lywe speel met die muur van water vir ‘n honderd meter. Dan ossilleer 30 lywe weer onder die son. Op en af.

Breek gelyk…

Kom ons neem vir ‘n oomblik aan ek lewe in ‘n veilige omgewing. Die meeste wat daar nog ooit op my geskiet was (eintlik indirek) was op die gastehuis waar ek in Melkbosstrand woon hierdie week. En ek is ‘n Johannesburger. Mense se lewens verskil. Maar daar kan enige plek ‘n trigger-happy ou rondloop, al bly jy nie in Gomorra nie kapenaars…

Ek het vanoggend in die tou gestaan…

…by die lisensiekantoor. Ek het Vrydag my beursie op die vliegtuig vergeet en gevolglik verloor (natuurlik met die lisensie in). So sit ek toe en luister na wat almal in die tou kwytraak. Dis lykmy maar altyd dieselfde. Daar is die ouerige tannie wat dink sy moet iets wys oor die lewe se en dat sy als uitgefigure het (government swak, toue lank, kyk wat HET hulle gedoen blah blah blah). Dan is daar die ouens wat niks se nie… Ek verkies hulle geselskap. Dan is daar die over-eager karwag wat mense organise met (myns insiens) die plan om hulle vertroue en gevolglik geld te kry. All-in-all ‘n tipiese dag by die lisensiekantoor. Maar raai wat. As jy eers in is, vat dit 15 minute… oogtoets/vingerafdrukke/betaal. So hoekom kla almal dan so?

*Sug*